გარემოს ეროვნული სააგენტოს ინფორმაციით, უახლოესი დღეების განმავლობაში საქართველოს ტერიტორიაზე შედარებით აგრილდება.

სინოპტიკოსების პროგნოზით, დროგამოშვებით იწვიმებს, ზოგან ძლიერად; შესაძლებელია, აღინიშნოს ელჭექი, სეტყვა, ქარის გაძლიერება და ზღვაზე 2-3-ბალიანი ღელვა.

ნალექიანი ამინდია მოსალოდნელი ამბროლაურშიც. ტემპერატურა 18-დან 22 გრადუსამდე დაეცემა .

„მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე და მშრალ ხევებში წყალმოვარდნები, ხოლო ქვეყნის მთიან ზონებში მეწყერულ-ღვარცოფული პროცესების ჩასახვა-გააქტიურება გამოიწვიოს“, – აცხადებენ გარემოს ეროვნულ სააგენტოში.